दार्चुला – व्यास गाउँपालिका–१ तिङ्करस्थित छायालेकमा सशस्त्र प्रहरीका बोर्डर आउट पोष्ट (बीओपी) का भवन तयार भएका छन । चीनसँग सीमा जोडिने तिङ्करमा सशस्त्र प्रहरीको बोर्डर आउट पोष्ट (बीओपी) स्थापनाका लागि भवन निर्माण गरिएको हो ।
चीनको ताक्लाकोटसँग जोडिएको तिङ्करमा पहिलो पटक बीओपी निर्माण गरिएको हो । यसअघि यो क्षेत्रमा नेपाल प्रहरी भने बस्दै आएको थियो ।
उक्त बीओपीको भवन निर्माण धुलिखेल प्याराडाइज एलवी जेभीले गरेको हो । गत जेठमै निर्माण सक्नुपर्ने भए पनि प्रतिकूल मौसम र विभिन्न कठिनाइका कारण केही ढिला गरी निर्माण सकिएको छ ।
