देशभर एकैदिन ५५ कोरोना संक्रमित ज्यान गुमाएका छन । आईतबार स्वास्थ्य मन्त्रालयले सार्वजनिक गरेको तथ्याङ्क अनुसार पछिल्लो २४ घण्टामा ५५ जनाले कोरोनाका कारण ज्यान गुमाएका हुन ।
यससँगै देशभर हालसम्म कोभिडबाट मृत्यु हुनेको संख्या १० हजार ९३ पुगेको छ ।
यसैबिच पछिल्लो चौबीस घन्टामा थप २ हजार ५४८ जनामा कोरोना संक्रमण पुष्टि भएको छ । मन्त्रालयका अनुसार ९ हजार ३३ पीसीआर परीक्षण गर्दा २ हजार १३७ जना र ३ हजार ३४५ एन्टिजेन परीक्षण गर्दा ४११ जनामा संक्रमण पुष्टि भएको हो ।
देशभर हालसम्म ३५ हजार ४८५ सक्रिय संक्रमित छन् । आइतबार २ हजार २९ जना संक्रमणमुक्त भएका छन् ।
