अत्तरिया – सुदूरपश्चिम प्रदेशमा थप ७३ जनामा कोरोना संक्रमण पुष्टि भएको छ । पछिल्लो २४ घण्टामा ६ सय ९६ नमूनाको एन्टीजेन बिधिबाट कोरोना परिक्षण गर्दा ३२ जना र १९७ नमूनाको पीसीआर बिधिबाट परिक्षण गर्दा ४१ जनामा संक्रमण पुष्टि भएको हो ।
यो संगै प्रदेशमा कोरोना संक्रमितको संख्या ४५ हजार ३ सय ९७ पुगेको स्वास्थ्य निर्देशनालय डोटीले शुक्रबार सार्वजनिक गरेको तथ्याङ्कमा उल्लेख छ ।
निर्देशनालको तथ्याङ्क अनुसार पछिल्लो २४ घण्टामा २२ जनाले कोरोना जितेका छन । यो संगै प्रदेशमा कोरोना जित्नेको संख्या ३५ हजार ९ सय ४१ पुगेको छ ।
यसैबिच प्रदेशमा पछिल्लो २४ घण्टामा २ कोरोना संक्रमितको मृत्यु भएको छ । मृत्यु हुनेमा डोटीको शिखर नगरपालिका – ३ की ६५ बर्षीय महिला र दिपायल सिलगढी नगरपालिका – १ का ३३ बर्षीय पुरुष रहेका छन । प्रदेशमा कोरोनाका कारण मृत्यु हुनेको संख्या ५ सय ७८ पुगेको छ ।
