काठमाडौँ- नेपाल प्रिमियर लिग (एनपीएल) क्रिकेट खेल्न सुदूरपश्चिम रोयल्समा अनुबन्धित न्युजिल्याण्डका स्कट कुग्लेइन र इंग्ल्याण्डका सेफ अली जेब नेपाल आइपुगेका छन् । दुबै जना बुधबार नेपाल आइपुगेका हुन् ।
उनीहरुलाई टोलीका व्यवस्थापक रवि तिमल्सिनाले त्रिभुवन अन्तर्राष्ट्रिय विमानस्थलमा स्वागत गरेका थिए । यसअघि टिमका मेन्टर ब्राड हज नेपाल आइसकेका छन् । अन्य विदेशी खेलाडी भने आउन बाँकी छ । अन्य विदेशी खेलाडीमा स्कटल्याण्डका ब्रान्डन म्याकमुलेन, यूएईका रोहन मुस्तफा छन् । टिमको मार्की खेलाडीमा दिपेन्द्रसिंह ऐरी छन् ।
शनिबारदेखि सुरू हुने नेपाल प्रिमियर लिग अन्तर्गत सुदूरपश्चिमले पहिलो खेलमा मंसिर २९ गते विराटनगर किङ्ससँग खेल्नेछ ।
