अत्तरिया- कञ्चनपुरमा ७७ वर्षीय वृद्ध चरेशसहित पक्राउ परेका छन् । भीमदत्त नगरपालिका-५ वनगाउँ बस्ने ७७ वर्षीय पिउठ बोहरा लागुऔषध चरेशसहित पक्राउ परेका हुन् ।
उनलाई बुधबार दिउँसो २ किलोग्राम चरेशसहित पक्राउ गरेको प्रहरीले बताएको छ । लागुऔषध नियन्त्रण व्यूरो शाखा कार्यालय धनगढी र अस्थायी प्रहरी बिट मझगाउँबाट खटिएको प्रहरीले उनको गोठ तलासी गर्दा उक्त लागुऔषध फेला पारी पक्राउ गरेको जनाएको छ ।