बुटवल- ट्रकको ठक्करबाट साइकल यात्रुको मृत्यु भएको छ । नवलपरासीको सुस्ता गाउँपालिका-१ बरुवाको भित्री सडकखण्डमा बर्दघाटबाट त्रिवेणीतर्फ जाँदै गरेको लु २ ख ८९३ नम्बरको ट्रकले सोही दिशातर्फ जाँदै गरेका साइकलयात्रीलाई ठक्कर दिँदा मृत्यु भएको प्रहरीले बताएको छ ।
मृत्यु हुनेमा सुस्ता-१ बरुवा बस्ने वर्ष ६५ का रामजी नेपाली रहेका छन् । ट्रक चालकलाई नियन्त्रणमा लिएको जिल्ला प्रहरी कार्यालय नवलपरासीका डिएसपी रमेश बोहोराले बताए ।
