काठमाडौँ- पृथ्वीराजमार्ग अन्तर्गत धादिङको बेनीघाट रोराङ गाउँपालिका–१० खयरघारीबाट ट्रक त्रिशूली नदीमा खसेको छ । नवलपरासीबाट काठमाडौँका लागि छुटेको लु२ख २५० नम्बरको ट्रक आज बिहान त्रिशुली नदीमा खसेको हो ।
ट्रक त्रिशूलीमा खस्दा तीन जना घाइते भएका छन् । घाइते हुनेमा ट्रक चालक नवलपरासी पश्चिमका २७ वर्षीय आशिष महतो, सहचालक २६ वर्षीय राजु थापामगर र ट्रकधनी खैरहनी नगरपालिकाका ४६ वर्षीय सुरेश गुरुङ रहेका छन् ।
उनीहरुलाई उद्धार गरेर अस्पताल लगेको जिल्ला प्रहरी कार्यालय धादिङका प्रमुख प्रहरी उपरीक्षक दिपेन्द्र शाहीले जानकारी दिए । ट्रक आफै अनियन्त्रित भई दुर्घटना भएको उनले बताए ।
