कञ्चनपुर- कञ्चनपुरमा पैदलयात्रीसँग स्कुटर ठोक्किँदा एक जनाको मृत्यु भएको छ । दोधारा चाँदनी नगरपालिका–९ शान्ति टोलका देव नाथको मृत्यु भएको प्रहरीले बताएको हो ।
प्रहरीका अनुसार तीन जना सवार रहेको युके ०६ बिई ९३८२ नम्बरको स्कुटरले आइतबार पैदलयात्री ५४ वर्षीया दुर्गादेवी बास्तालालाई ठक्कर दिएको थियो । दुर्घटनामा दुर्गा र नाथ घाइते भएका थिए ।
नाथको भारतमा उपचारको क्रममा सोमबार बिहान मृत्यु भएको जिल्ला प्रहरी कार्यालय कञ्चनपुरले बताएको छ । दुर्घटनामा घाइते भएकी पैदलयात्री दुर्गाको भारतको खटिमामा उपचार भइरहेको प्रहरीले जनाएको छ ।
मृतक स्कुटर चालक हुन् वा पछाडि सवार भन्ने यकिन भइनसकेको प्रहीले बताएको छ ।