कैलाली- नेपाल प्रिमियर लिग (एनपीएल) क्रिकेटको टोली सुदूरपश्चिम रोयल्सले भोलि सोमबार धनगढीमा र्याली गर्ने भएको छ । धनगढी चौराहदेखि रङ्गशालासम्म र्याली गरिने भएको हो ।
सुदूरपश्चिम रोयल्सका प्रमुख कार्यकारी अधिकृत प्रकाश खड्काले र्यालीको तयारी पूरा भएको बताए । र्यालीमा मार्की खेलाडी दीपेन्द्रसिंह ऐरी, आरिफ शेख, विनोद भण्डारीलगायत सहभागी हुने बताइएको छ ।
एनपीएल यही मङ्सिर १५ देखि पुस ६ गतेसम्म आयोजना हुँदैछ ।
