अत्तरिया- कैलालीमा बसको ठक्करबाट एक जनाको मृत्यु भएको छ । प्रहरीका अनुसार घोडाघोडी नगरपालिका-३ का ३८ वर्षीय दीपक कडेलको बसको ठक्करबाट मृत्यु भएको हो ।
कडेललाई लम्कीचुहा नगरपालिका-१ पूर्व लम्कीस्थित सुदूरपश्चिम प्रदेश०१००१ख९९६ नम्बरको बसले ठक्कर दिँदा गम्भीर घाइते भएकामा उपचारको क्रममा शनिबार मृत्यु भएको जिल्ला प्रहरी कार्यालय कैलालीले बताएको छ ।
बससहित चालक लम्कीचुहा-८ का ३२ वर्षीय नेत्रप्रसाद देवकोटालाई नियन्त्रणमा लिएको कैलाली प्रहरीले बताएको छ।
