अत्तरिया – कञ्चनपुरबाट लागू औषध सहित एक युवक पक्राउ परेका छन । शनिबार दोधारा चाँदनी नगरपालिका – ७ कञ्चभोज पक्कीपुलस्थित सडकबाट लागूऔषध खैरो हेरोइन सहित भीमदत्त नगरपालिका–१८ भगतपुरका २५ वर्षीय प्रतिक कुँवर पक्राउ परेका हुन ।
उनको साथबाट ५ ग्राम ८ सय मिलिग्राम लागू औषध बरामद गरिएको प्रदेश प्रहरी कार्यालय धनगढीले जनाएको छ ।
नेपाल प्रहरी प्रदेश कार्यालय महेन्द्रनगर, लागूऔषध नियन्त्रण ब्यूरो महेन्द्रनगर र इलाका प्रहरी कार्यालय दोधारा चाँदनीबाट खटिएको संयुक्त टोलीले सु.प.प्र.०२–००३ प ४६६२ नम्बरको मोटरसाइकलमा सवार उनलाई उक्त पदार्थ सहित पक्राउ गरेको जनाइएको छ ।
