धनगढी – कैलालीको धनगढीबाट प्रहरीले ३६ किलाे चरेस बरामद गरेकाे छ ।
बुधबार साँझ धनगढी उपमहानगरपालिका-५ काे लब्ली चाेकबाट प्लास्टिकसहित ३६ किलाे ६६५ ग्राम चरेस बरामद गरिएको हो ।
वडा प्रहरी कार्यालयका प्रमुख प्रहरी निरीक्षक याेगेश खत्री नेतृत्वकाे टाेलीले लब्ली चाेकमा माेटरसाइकल चेकजाँच गर्दा चरेस बरामद गरेकाे जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कबिन्द्रसिंह बाेहराले बताए ।
तर, चरेस बाेकेकाे १०७२ नम्बरको एनएस प्लसरका चालक र पछाडि सवार भने फरार भएका छन् ।
परिचय नखुलेका उनीहरूकाे खाेजी भइरहेको डीएसपी बाेहराले बताए ।
