अत्तरिया – कञ्चनपुरबाट ४ किशोर किशोरी सहित ५ जना पक्राउ परेका छन । सोमबार जिल्ला प्रहरी कार्यालय कञ्चनपुरबाट खटिएको प्रहरी टोलीले जिल्ला कञ्चनपुर भीमदत्त नगरपालिका – १८ कटानबाट लागू औषध (खैरो हेरोइन) सहित ५ जनालाई पक्राउ गरेको छ ।
लागू औषधको कारोबार भईरहेको छ भन्ने सूचनाको आधारमा खटिएको प्रहरी टोलीले स्थानीय ३१ वर्षीय घनश्याम उराउ सहित ४ जना किशोर–किशोरीलाई पक्राउ गरेको हो ।
उनीहरुको साथबाट १.३४ ग्राम लागू औषध खैरो हेरोइन जस्तो देखिने धुलो पदार्थ नियन्त्रणमा लिइएको प्रदेश प्रहरी कार्यालय धनगढीले जनाएको छ ।
