अत्तरिया – कैलालीको धनगढीमा एक पुरुषको बेवारिसे शव फेला परेको छ । सोमबार बिहान धनगढी उप–महानगरपालिका – ११ घोडसुवा स्थित ठेकराज माध्यमिक विद्यालयको शौचालय नजिकै अन्दाजी ५५÷६० वर्षीय पुरुषको शव फेला परेको हो ।
नाम थर नखुलेका ती पुरुष सडेको अवस्थामा शव फेला परेको जिल्ला प्रहरी कार्यालय कैलालीले जनाएको छ ।
शव सेती प्रादेशिक अस्पतालको शव गृहमा राखेकोले छ । प्रहरीले शवको हुलिया गहुँगोरो, ५ फिट ५ इन्च उचाइ, माथिल्लो शरीरमा सेतो धर्के आस्कोट, भित्र सर्ट, तल्लो शरीरमा हाफ पाइन्ट, दाह्री फुलेको रहेको जनाएको छ ।
शव नजिकै ढाका टोपी, घँगारुको लाठी, च्यादर फेला परेको हुँदा लाठी टेक्ने टोपी लगाउने मानिस हुन सक्ने प्रहरीले अनुमान गरेको छ ।
