अत्तरिया- कैलालीमा स्कुटर पल्टिँदा एक जना घाइते भएका छन् । मंगलबार राति बागमती प्रदेश ०२०३९प ७८११ नम्बरको स्कुटर पल्टिँदा चालक टीकापुर नगरपालिका-१ ब्लक नम्बर सी बस्ने ३० वर्षीय छत्रराज तिमिल्सिना घाइते भएका हुन् ।
उनलाई टीकापुर अस्पतालमा सामान्य उपचारपछि थप उपचारका लागि कोहलपुर मेडिकल कलेज पठाइएको जिल्ला प्रहरी कार्यालय कैलालीले जनाएको छ । स्कुटर आफै अनियन्त्रित भएर पल्टिएको प्रहरीले बताएको छ ।