कैलाली- कैलालीमा किरियापुत्री कुर्न गएका एक पुरुषमाथि कुटपिट भएको छ । प्रहरीका अनुसार जानकी गाउँपालिका-७ का भीमबहादुर विकको घरमा किरियापुत्री कुर्न गएका सोही ठाउँ बस्ने ४० वर्षीय किस्ने विकमाथि कुटपिट भएको हो ।
मादक पदार्थ सेवन गरेर विकलाई स्थानीय ३५ वर्षीय सोनु विक, २२ वर्षीय एकिन्द्र विक, २५ वर्षीय कालू विक र ४० वर्षीय जनक विकले कुटपिट गरेको कैलालीका प्रहरी नायब उपरीक्षक कबिन्द्र बोहोराले बताए । उनका अनुसार कुटपिटमा संलग्न सोनु, जनकसहित अविनाश विक, रोशन विक र अंकित विक पक्राउ परेका छन् ।
कुटपिटबाट घाइते भएका विकलाई उपचारका लागि कोहलपुर मेडिकल कलेज रेफर गरिएको प्रहरीले जनाएको छ ।
