मकवानपुर- मकवानपुरमा बस पल्टिँदा ३५ जना घाइते भएका छन् । काठमाडौँबाट महोत्तरीको लागि छुटेको प्रदेश २–०३–००१ ख ३६२९ नम्बरको बस आज बिहान मनहरी–७ समिडाँडामा पल्टिएको जिल्ला प्रहरी कार्यालय मकवानपुरले बताएको छ ।
प्रहरीका अनुसार दुर्घटनामा घाइते भएकामध्ये २८ जनाको पुरानो मेडिकल कलेज भरतपुर र अरुको हेटौँडामा उपचार भइरहेको छ । बस आफैँ अनियन्त्रित भई सडक किनारामा पल्टिएको प्रहरीले जनाएको छ ।