काठमाडौँ- नेपाली राष्ट्रिय क्रिकेट टोलीका सदस्य दीपेन्द्रसिंह ऐरी टी–२० अन्तर्राष्ट्रिय क्रिकेट वरीयताको अलराउन्डरतर्फ दोस्रो स्थानमा उक्लिएका छन् ।
अन्तर्राष्ट्रिय क्रिकेट काउन्सिल (आईसीसी)ले सार्वजनिक गरेको पछिल्लो वरीयतामा दीपेन्द्र ४ स्थान सुधार गर्दै दोस्रो स्थानमा आइपुगेका छन् । दीपेन्द्र करियरकै उत्कृष्ट वरीयतामा पुगेका हुन्, यसअघि उनी छैटौं स्थानमा थिए ।
यो वरीयतामा इङ्गल्यान्डका लायम लिभिङ्गस्टोन शीर्ष स्थानमा यथावत् छन् ।
