अत्तरिया– कैलालीको गोदावरी नगरपालिका– ४ मा मंगलबारबाट एपेक्स प्रिमियर लिग २०८१ सुरु भएको छ । यही असोज २२ गतेसम्म सञ्चालन हुने उक्त प्रतियोगिता सोही वडामा रहेको ज्वालादेवी क्लबले आयोजना गरेको हो ।
नेपालीहरुको महान पर्व दशैका अवसरमा प्रतियोगिता आयोजना गरेको आयोजक ले जनाएको छ । मंगलबार एक कार्यक्रमका बिच प्रतियोगिताको उद्घाटन गरिएको छ । उद्घाटन कार्यक्रमका प्रमुख अतिथि वडाध्यक्ष हेमप्रकाश मल्ल रहेका थिए भने विशिष्ठ अतिथिमा एपेक्स एकेडेमीका प्रिन्सिपल समिर महरा रहेका थिए ।
प्रतियोगिताको प्रथम पुरस्कार नगद रु. १५ हजार र द्धितिय पुरस्कार नगद रु. ७ हजार ५०० रहेको आयोजक ले जनाएको छ ।
