बेलौरी – कञ्चनपुरको बेलौरीबाट लागू औषध ब्राउन सुगर सहित २ जना पक्राउ परेका छन् ।
सोमबार साँझ इलाका प्रहरी कार्यालय बेलडाँडीबाट खटिएको प्रहरी टोलीले १ दशमलव १५ मिलिग्राम ब्राउन सुगर सहित बेलौरी नगरपालिका – १० सडकघाटबाट २ जनालाई पक्राउ गरेको हो ।
पक्राउ पर्नेमा बेलौरी नगरपालिका – १० सडकघाटका विकास चौधरी र सोही ठाउँका खेम बहादुर थापा रहेको इलाका प्रहरी कार्यालय बेलडाँडीका प्रहरी निरीक्षक कृष्ण कुँवरले बताए ।
पक्राउ परेका दुवै जनामाथि थप अनुसन्धान भइरहेको प्रहरीले जनाएको छ ।