अत्तरिया – कैलालीको गेटामा म्याजिक र मोटरसाईकल एक आपसमा ठोक्किदा २ जना घाइते भएका छन । धनगढी – अत्तरिया ६ लेन सडकखण्डको गेटा मेडिकल कलेज नजिकै म्याजिक र मोटरसाईकल एकआपसमा ठोक्किदा दुवै सवारी साधनका चालक घाइते भएका हुन ।
मेडिकल कलेज नजिकै प्रकाश बोहोराले चलाएको म १ ज १६१ नम्बरको म्याजिक र पहिचाल नखुलेका चालकले चलाएको से ६ प ८४२३ नम्बरको मोटरसाईकल एकआपसमा ठोक्किएको प्रहरीले जनाएको छ ।
दुर्घटनामा दुवै जना चालक गम्भिर घाइते भएका छन् । दुवैजनाको उपचारका लागि सेती प्रादेशिक अस्पताल लगिएको प्रहरीले जनाएको छ ।
