काठमाडौँ- बुधबार नुवाकोटको शिवपुरी डाँडामा दुर्घटना भएको एयर डाइनेस्टीको हेलिकप्टरमा पाँच जना सवार रहेको खुलेको छ ।
क्याप्टेन अरुण मल्लले उडाएको सो हेलिकप्टरमा अन्य चार जना चिनियाँ पर्यटक सवार थिए । चिनियाँ पर्यटकमा जुदाड टाङ (पुरुष), जी लि (पुरुष), यियाद वु (महिला) र जेमिङ सी (पुरुष) रहेका छन् ।
हालसम्म चार जनाको शव फेला परेको बताइएको छ । ९एन एजेडी हेलिकप्टर काठमाडौँबाट रसुवाको स्याफ्रुबेसीका लागि उडेको थियो ।
