काठमाडौँ- मंगलबार बिहानदेखिको अविरल वर्षाका कारण ललितपुरको बागमती गाउँपालिका–३, भट्टेडाँडामा गुडिरहेको मोटरसाइकलमाथि पहिरो खसेको छ । ना५४प १६५५ नम्बरको मोटरसाइकलमा पहिरो खस्दा चालक र पछाडि सवार यात्रु घाइते भएका प्रहरीले बताएको छ ।
चालक सलमान अन्सारीको ग्वार्कोस्थित बिएण्डबी अस्पतालमा उपचार भइरहेको र पछाडि सवार ४६ वर्षीय मुर्तुजना अन्सारीको खुट्टामा चोट लागेको जिल्ला प्रहरी परिसर ललितपुरका एसपी नरेश सुवेदीले बताए ।