अत्तरिया – कैलालीको अत्तरियामा रहेको सुप समावेशी आधारभुत विद्यालयलाई खाद्यान्न सहयोग गरिएको छ । गोदावरी नगरपालिका वडा नं. ३ मा रहेको जगन्नाथ जोशी परिवार बचत तथा ऋण सहकारी संस्थाले विद्यालयलाई करीब ८ हजार बराबरका खाद्यान्न सामग्री तथा शैक्षिक सामग्रीहरु सहयोग गरेको हो ।
स्वर्गीय महादेव जोशीको पुयण्तिथिमा सहकारीबाट विद्यालयलाई दाल, चामल, नुन, तेल, मसला लगायतका खाद्यान्न सामग्रीका साथै कामी, डटपेन लगायतका शैक्षिक सामग्रीहरु सहयोग प्राप्त भएको विद्यालयका संस्थापक अध्यक्ष मान बहादुर साउँदले बताए ।
उनले विद्यालयमा रहेका अपांगता भएका बालबालीकाहरुका लागी सहकारीले उक्त सामग्री सहयोग गरेको बताए । उक्त सामग्री सहकारीका अध्यक्ष चन्द्र देव जोशी तथा स्वर्गीय महादेव जोशीका छोराद्धय केशवराज जोशी र हरिप्रसाद जोशीले विद्यालयकी अध्यक्ष गौरी भण्डारी र प्रधानाध्यापक देवी साउँदलाई हस्तान्तरण गरेका थिए ।