एमालेलाई कसैले हराउन सक्दैनन् : उपाध्यक्ष ज्ञवाली

धनगढी – नेकपा एमालेका उपाध्यक्ष युवराज ज्ञवालीले पाँचदलीय गठबन्धनमा अरू पाँच दल थपिए पनि आगामी निर्वाचनमा नेकपा एमालेलाई कसैले पराजित गर्न नसक्ने बताए । तैपनि चुनावमा एमालेले अन्य कुनै दलसँग गठबन्धन नगर्ने उनको भनाइ थियो ।

एमाले एक्लै चुनाव लड्नुपर्छ भन्ने मान्यतामा रहेको उनको भनाइ थियो । प्रतिनिधिसभा र प्रदेश सभाको आगामी निर्वाचनलाई लक्षित गर्दै देशव्यापी रुपमा पार्टीका अगुवा कार्यकर्ताहरूको प्रशिक्षण सञ्चालन गर्न सुदूरपश्चिम पुगेका उपाध्यक्ष ज्ञवालीले शुक्रबार धनगढीमा प्रेस चौतारीले आयोजना गरेको पत्रकार सम्मेलनमा यस्तो बताएका हुन् ।

joshi vada pasal 2
bishal shuit house

‘पाँच दलीय गठबन्धन मात्र होइन अरु पाँच दल थपिए पनि एमालेलाई हराउन सक्ने अवस्था छैन,’ उपाध्यक्ष ज्ञवालीले भने । यस्तै उनले नागरिकता सम्बन्धी विधेयक संसदमा पास भएको प्रसंगमा नेपाल जस्तो भूराजनीतिक अवस्थामा रहेको देशमा नागरिकता जस्तो विषय खुकुलो बनाउन नहुने बताए ।

‘नागरिकता लिनबाट बञ्चित भएकाहरुले नागरिकता पाउनु पर्छ भन्ने कुरामा पार्टी दृढ रहेको छ । तर विदेशबाट बिहे गरेर सिन्दुर हाल्ने बित्तिकै नागरिकता पाउने कुराको पार्टीको गम्भीर विरोध रहेको छ,’ उनले भने ।

maya metro hospital

यस क्रममा उनले नागरिकता विधेयक राष्ट्रपतिले फिर्ता गरिदिनुपर्ने धारणा राखेका थिए । यद्यपि यसबारे पार्टीमा छलफल नभएको र आफ्नो व्यक्तिगत धारणा रहेको उनको भनाइ थियो ।

 

texas
सम्बन्धित पाेस्टहरु
प्रतिक्रिया दिनुहोस

Your email address will not be published.