नयाँ बर्ष मनाउन गड्डाचौकी नाकाबाट घर फर्कनेको भीड

कञ्चनपुर – नयाँ बर्ष (विशु पर्व) भारतबाट घर फर्कनेको संख्या बढेको छ । सुदूरपश्चिमबाट भारतमा रोजगारी गर्न गएकाहरु नयाँ बर्ष मनाउन फर्कने क्रम बढेको हो ।

bishal shuit house

केही दिनयता गड्डाचौकी नाकामा विशुका लागि घर फर्किनेको संख्या बढेको छ । नाकासँगै महेन्द्रनगर बसपार्कमा पनि भीडभाड बढेको छ ।
अछाम ढकारीका गोरे बुढाले नयाँ बर्ष मनाउन परिवारसहित घर फर्किएको बताए । ‘कोरोनाले बीचमा सबै ठप्प भयो, कहीं आउजाउ नै भएन,’ बुढाले भने, ‘अब अलिअलि सजिलो भयो, दुई÷चार महिना भए पनि ज्याला मजदुरी पाइयो ।’

joshi vada pasal 2

ढकारीकै सुकबहादुर बुढा पनि कालापहाडबाटै विशुका लागि घर फर्किएको बताए । ‘दुई÷चार महिना काम गरेर अलि अलि घर खर्च जुटाएर फर्कियौं,’ उनले भने, ‘विशु पनि आयो, घरमा खेतीपातीको काम गर्ने कोही छैन ।’ नयाँ वर्ष नजिकिएसँगै कामको खोजीमा भारत पसेकाहरू घर फर्किन थालेका छन ।

‘वर्ष दिनको चाड हो विशु, घर परिवारसँगै मनाउन पाए रमाइलो हुन्छ,’ बैतडी सुर्नयाका जयसिंह धामीले भने, ‘कोरोनाले पोहोर परार विशु मनाउनै पाइएन ।’ पहिलो लहरको कोरोना संक्रमणका बेला झन्डै एक महिना सीमा क्षेत्रमै क्वारेन्टिनमा बसेपछि घर पुगेका उनी संक्रमण कम भएपछि काममा फर्केका थिए ।

texas
सम्बन्धित पाेस्टहरु
प्रतिक्रिया दिनुहोस

Your email address will not be published.